"છબી અને શબ્દ " - હેમંત ગોહિલ "મર્મર "

રવિવાર, 26 મે, 2013

પ્રેમનો અનુવાદ .... હેમંત ગોહિલ "મર્મર "

ગઝલ

ક્યાં કહું છું રોજ હોવી જોઈએ ,

જિંદગીમાં મોજ હોવી જોઈએ .

સાંપડે ,અઢળક ખજાનો સાંપડે ,

ખુદમાં પણ ખોજ હોવી જોઈએ .

ઓસ એને તો હશે નવડાવતી ,

ફૂલ જેવી તોજ હોવી જોઈએ .

છે શરત આ યુદ્ધને કંઈ જીતવા ,

એકલાની ફોજ હોવી જોઈએ .

એમનો વિયોગ ગાંગો હોય તો ,

યાદ રાજા ભોજ હોવી જોઈએ .

- હેમંત ગોહિલ "મર્મર '

ગઝલ

કર્ણનો હું રથ બની ઝૂકી ગયો ,

તીર જેવો આ સમય ખૂંપી ગયો .

લઈ તરસ હું કેટલું દોડ્યો હતો ,

છેક સરવર પાસ જઈ ડૂકી ગયો .

શ્વાસની કેવળ ગણી મેં ગાંસડી ,

એક અવસર એમ હું ચૂકી ગયો .

મેં ખબર પૂછ્યા હતાં એ દોસ્તના ,

પાન પીળું હાથમાં મૂકી ગયો .

છાંયડા ને ઝાડવા ભૂલી ગયા ,

કાનમાં શું વાયરો ફૂંકી ગયો ?!!

- હેમંત ગોહિલ "મર્મર "

ગઝલ

કાલ હતું એ આજ અલગ છે ,

રોજ સમયનું બાજ અલગ છે .

વાત બટનની ક્યાં ખોટી છે ?

તેં દીધું તે ગાજ અલગ છે .

છત્રી જેવું રાખો સજન !

મોસમનો મિજાજ અલગ છે .

આંખ છલોછલ છલકે પાણી ,

મળવાનો અંદાજ અલગ છે .

મેં સપનાને કંડાર્યા છે ,

મેં બાંધ્યો એ તાજ અલગ છે .

ઘાવ ગણી લ્યો મુદલ જેવા ,

પીડા સરખું વ્યાજ અલગ છે .

બાઈ મીરાં કે'ગિરધર નાગર,

ઝાંઝ અને પખવાજ અલગ છે .

- હેમંત ગોહિલ "મર્મર "

છબી અને શબ્દ

... છબીની સાથે શબ્દ ઉમેરાય અથવા તો શબ્દની સાથે છબી ઉમેરાય તો

અર્થ વધારે સરળ બને છે .અને બળવત્તર બને છે .

આંખને ગમે અને ર્હદય ને પણ સ્પર્શી જાય એવા હેતુસહ આ મથામણ છે .

મને વિશ્વાસ છે મારી આ મહેનત આપને ગમશે .

"છબી અને શબ્દ " - હેમંત ગોહિલ "મર્મર "

પૃષ્ઠો

રવિવાર, 26 મે, 2013

ટિપ્પણીઓ નથી:

ટિપ્પણી પોસ્ટ કરો

મારા વિશે: હેમંત ગોહિલ 'મર્મર "

કુલ પૃષ્ઠ અવલોકનો

બ્લૉગ આર્કાઇવ